Бугун, 18 август куни Элит Осиё Чемпионлар Лигаси ва Осиё Чемпионлар Лигаси-2 турнирининг лига босқичига қуръа ташланади.
Элит Осиё Чемпионлар Лигасида Ўзбекистон шарафини Фарғонанинг «Нефтчи» ва Тошкентнинг «Пахтакор» клублари ҳимоя қилса, Осиё Чемпионлар Лигаси-2 турнирида Қаршининг «Насаф» клуби иштирок этади.
Қаршиликлар қатнашадиган мусобақага қуръа ташлаш маросими Тошкент вақти билан соат 11:00 да бошланади. Иккинчи турнирга қуръа ташлаш эса 13:00 дан бошлаб старт олади.
Аввалроқ «Пахтакор» ўтиш ўйинида «Ал Ҳусайн»ни йирик ҳисобда енгиб, Элит Осиё Чемпионлар Лигаси гуруҳ босқичига йўлланма олгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади