«Борнмут» ҳужумчиси Эли Жуниор Крупи фаолиятини Испания чемпионатида давом эттириши мумкин.
TEAMtalk нашри хабар беришича, «Барселона» франциялик 19 ёшли футболчи учун асосий даъвогар.
Клуб анчадан бери Крупини диққат билан кузатиб келмоқда. Шунингдек, унга Англиянинг бир нечта гранд жамоалари ҳам қизиқиш билдирмоқда.
Қайд этилишича, «гилослар» порлаб келаётган юлдуз билан хайрлашишни истамаяпти, шунинг учун тахминан 100 млн евро сўрайди.
Transfermarkt портали мутахассислари Крупининг нархини 40 млн еврога баҳоламоқда.
Якунланган мавсумда форвард «Борнмут» сафида Премер-лигада 33 та ўйинда 13 та гол урди.
