«Барселона» клуби «Атлетико» ҳужумчиси Хулиан Алвареснинг эҳтимолий трансфери бўйича вазиятни 19 августга қадар ҳал қилишга умид қилмоқда. Бу ҳақда Sport.es хабар берди.
Манба маълумотига кўра, Алварес 14 август куни «Марсел»га қарши ўтказилган ўртоқлик учрашуви учун «Атлетико» қайдномасига киритилмаган. Бироқ футболчининг баҳсда иштирок этмагани трансфер билан эмас, спорт сабаблари билан боғлиқ.
Шу билан бирга, «матрасчилар» бош мураббийи Диего Симеоне янги мавсумнинг биринчи турида — 19 август куни «Малага»га қарши учрашувда — жамоанинг барча асосий футболчиларидан фойдаланишни режалаштирмоқда.
Бироқ Алвареснинг ўзи «Атлетико»да бошқа ўйнашни истамаётганини аввалроқ Симеонега маълум қилган.
«Барселона»да эса 19 августни ушбу вазият учун ҳал қилувчи сана сифатида кўришмоқда. Каталония клуби фикрича, айнан шу кун Алвареснинг келажаги борасидаги ноаниқликка нуқта қўйиши керак.
