«Пари Сен-Жермен» клуби яримҳимоячиси Брэдли Баркола фаолиятини «Ливерпул»да давом эттиришга яқин турибди.
23 ёшли футболчи трансфер ойнаси ёпилгунга қадар «қизиллар» сафига кўчиб ўтишига ишонмоқда. Ҳар икки клуб ушбу келишувни якунлашни мақсад қилган, деб хабар беради журналист Лоик Танзи.
Барколанинг сотуви Лига 1 тарихидаги энг қиммат битим сифатида тарихга кириши мумкин – тахминларга кўра, ушбу трансфер суммаси 115 млн евродан зиёд бўлади.
Transfermarkt портали Брэдли Барколанинг актуал трансфер нархини 90 млн еврога баҳоламоқда.
Маълумот учун, франциялик футболчи «ПСЖ» сафида умумий ҳисобда 52 та ўйинда майдонга тушиб, 39 та гол урди ва 37 та голли узатма етказиб беришни уддалади.
