«Лестер Сити» Англиянинг учинчи дивизионига муддатидан олдин тушиб кетди.
«Тулкилар» Чемпионшипнинг 44-турида «Ҳалл Сити» (2:2) билан дуранг қайд этди. Натижада жамоа 42 очко билан 23-ўринга тушиб кетди.
Чемпионшипнинг якунига икки тур қолганида жамоа келаси мавсумни 3-дивизионда ўтказиши маълум бўлиб улгурди. 21-ўриндаги «Блекберн Роверс» эса 49 очко билан лигада қолиш вазифасини уддасидан чиқди.
Аввалроқ «Лестер» молиявий қоидаларни бузганлиги сабабли феврал ойида олти очкодан маҳрум қилинган эди.
Эслатиб ўтамиз, жамоа 2016 йилда Клаудио Раниери билан АПЛда чемпионликни қўлга киритган.
