Карло Анчелотти Парагвай билан ўйин (1:0) дан сўнг Бразилия миллий жамоасининг жаҳон чемпионатига чиққани ҳақида фикр билдирди.
«Ўйлайманки, яхши ўйин ўтказдик, айниқса биринчи бўлим жуда яхши бўлди. Тўпни назорат қилдик, аммо ҳар доим ҳам ҳужумни зарба билан якунлай олмадик.
Иккинчи бўлимда темпни туширдик. Умуман олганда эса яхлит ва яхши ўйин кўрсатдик, бунисидан хурсандмиз.
Қаттиқ меҳнат қилишимиз керак, жаҳон чемпионатига бир йил қолди ва охирги икки учрашувда муносиб футбол намойиш этиш жуда муҳим.
Мухлислар натижадан мамнун. Мен уларга илиқ қарши олганлари учун миннатдорчилик билдираман. Биз ҳам хурсандмиз, энди эса олдинда кутиб турган муҳим баҳсларга эътибор қаратиш лозим», – деди Бразилия миллий жамоаси бош мураббийи.
