«Ан Наср» «Ливерпул» вингери Муҳаммад Салоҳни ўз сафига қўшиб олиш учун курашга қўшилишга тайёр. Бу ҳақда Саудия Арабистонининг Okaz нашри хабар берди.
Қайд этилишича, бош мураббий Жорже Жезуш мавсум охирида «қизиллар»ни тарк этиши кутилган Салоҳ трансферига розилик билдирган. Муҳаммаднинг трансфери амалга ошса, «Ан Наср» уни Криштиану Роналду билан бир жамоада жаҳон футболидаги энг шов-шувли ҳужум жуфтликларидан бирини шакллантириши мумкин.
Бироқ бу келишув Жезушнинг ўзига ҳам боғлиқ бўлиши мумкин. Чунки у аввал клуб билан янги шартнома борасида келишувга эришиши керак.
Аввалроқ Салоҳнинг АПЛ доирасидаги сўнгги ўйинда майдонга қайтиши мумкинлиги маълум қилинганди.
