«Будё-Глимт» дарвозабони Никита Ҳайкин 2028 йилгача Норвегия миллий жамоаси сафида майдонга туша олмайди. Бу ҳақда NRK журналисти Ян Петтер Салвелдт маълум қилди.
«FIFA Норвегия федерациясининг Ҳайкин бўйича апелляциясини рад этди. У 2028 йил мартигача Норвегия сафида ўйнаш ҳуқуқига эга эмас», — деди журналист.
Аввалроқ россиялик дарвозабон Норвегия паспортини олгани ва ЖЧ-2026 учун миллий жамоага номзодлардан бири сифатида кўрилаётгани ҳақида хабарлар тарқалганди.
Бироқ FIFА футболчига Норвегия миллий жамоаси шарафини ҳимоя қилишга рухсат бермади. Шу сабаб Ҳайкин 21 май куни эълон қилинган мундиалнинг якуний қайдномасидан ҳам ўрин олмади.
Маълумот учун, Никита Ҳайкин сўнгги йилларда Норвегиянинг «Будё-Глимт» клуби сафида муваффақиятли ўйинлари билан эътибор қозонган.
