Италия А Сериясининг 9-турида «Лацио» сафарда «Сассуоло»ни йирик ҳисобда мағлуб этди. Римликлар 6:2 ҳисобида ғалаба қозониб, чемпионатдаги кетма-кет бешинчи ғалабасини қўлга киритди.
Баҳснинг дастлабки дақиқалариданоқ жамоалар ҳужумкор футбол намойиш этди. Саккизта гол киритилган беллашувда уларнинг дастлабки тўрттаси биринчи бўлимнинг 16-дақиқасигача урилди. Бу ҳолат А Серияда узоқ вақт давомида кузатилмаган статистик натижани такрорлади.
«Сассуоло» — «Лацио» баҳсига қадар Италия чемпионатида дастлабки 16 дақиқада тўртта гол урилган сўнгги ўйин 2019 йил 4 апрел куни бўлиб ўтган. Ўшанда «Аталанта» ва «Болоня» ўртасидаги баҳсда шундай натижа қайд этилганди.
Маълумот учун, «Лацио» эса ушбу ғалаба орқали муваффақиятли сериясини давом эттирди. Рим клуби чемпионатдаги кетма-кет бешинчи ғалабасини сафарда қўлга киритди ва навбатдаги турга яхши кайфиятда йўл олади. Рим клуби кейинги турда «Каляри»га қарши майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади