«Manchester Yunayted» hujumchisi Joshua Zirkzee «Napoli» klubiga o‘tish bo‘yicha kelishuvga erishdi. Bu haqda Football365 nashri xabar berdi.
Qayd etilishicha, ushbu transfer yanvar oyida amalga oshishi kutilmoqda. Niderlandiyalik futbolchi A Seriyaga qaytishga tayyor. Shuningdek, Zirkzeega «Yuventus» klubi ham qiziqish bildirmoqda. Biroq Neapol klubi futbolchi bilan muzokaralarni faol olib borgani va kelishuvga erishgani xabar qilindi.
Eslatib o‘tamiz, Joshua 2024-yilning yozida «Bolonya»dan «Manchester Yunayted»ga taxminan 43 million yevro evaziga o‘tgan.
Bu mavsumda u mankunianliklar safida beshta uchrashuvda maydonga tushdi. Ammo birorta samarali harakatni amalga oshirgani yo‘q.
Transfermarkt portali futbolchining bozor qiymatini 20 million yevroga baholamoqda.
