«Манчестер Юнайтед» ҳужумчиси Жошуа Зиркзее «Наполи» клубига ўтиш бўйича келишувга эришди. Бу ҳақда Football365 нашри хабар берди.
Қайд этилишича, ушбу трансфер январ ойида амалга ошиши кутилмоқда. Нидерландиялик футболчи А Серияга қайтишга тайёр. Шунингдек, Зиркзеега «Ювентус» клуби ҳам қизиқиш билдирмоқда. Бироқ Неапол клуби футболчи билан музокараларни фаол бўлган ва келишувга эришгани хабар қилинди.
Эслатиб ўтамиз, Жошуа 2024 йилнинг ёзида «Болоня»дан «Манчестер Юнайтед»га тахминан 43 миллион евро эвазига ўтган.
Бу мавсумда у манкунианликлар сафида бешта учрашувда майдонга тушди. Аммо бирорта самарали ҳаракатни амалга оширгани йўқ.
Transfermarkt портали футболчининг бозор қийматини 20 миллион еврога баҳоламоқда.
