МЛСнинг 3 клуби Де Брюйнега даъвогарлик қилмоқда

«Наполи» яримҳимоячиси Кевин де Брюйне фаолиятини океан ортида давом эттириши мумкин. Бу ҳақда инсайдер Экрем Конур хабар берди.

Манбага кўра, МЛСнинг бир нечта клублари белгиялик 35 ёшли футблчини ўз сафига қўшиб олишдан манфаатдор.

Қайд этилишича, унга «Интер Майами», «Сан Диего» ва «Чикаго Файр» клублари шартнома таклиф қилмоқчи. Шунингдек, Саудия Арабистони жамоаларидан ҳам қизиқиш борлиги хабар қилинган.

Маълумот учун, Де Брюйненинг Неапол клуби билан амалдаги шартномаси 2027 йилнинг ёзига қадар мўлжалланган.

Бу мавсумда у барча турнирлар доирасида 5 та учрашувда майдонга тушиб, 1 та гол урди ва 1 та голли узатмани амалга оширди.

Аввалроқ футболчи «Наполи» билан шартномани узайтириш бўйича келиша олмаётгани хабар қилинганди.