MLSning 3 klubi De Bryuynega da’vogarlik qilmoqda

«Napoli» yarim himoyachisi Kevin de Bryuyne faoliyatini okean ortida davom ettirishi mumkin. Bu haqda insayder Ekrem Konur xabar berdi.

Manbaga ko‘ra, MLSning bir nechta klublari belgiyalik 35 yoshli futbolchini o‘z safiga qo‘shib olishdan manfaatdor.

Qayd etilishicha, unga «Inter Mayami», «San-Diyego» va «Chikago Fayr» klublari shartnoma taklif qilmoqchi. Shuningdek, Saudiya Arabistoni jamoalaridan ham qiziqish borligi xabar qilingan.

Ma’lumot uchun, De Bryuynening «Napoli» klubi bilan amaldagi shartnomasi 2027-yil yozigacha mo‘ljallangan.

Bu mavsumda u barcha turnirlar doirasida 5 ta uchrashuvda maydonga tushib, 1 ta gol urdi va 1 ta golli uzatmani amalga oshirdi.

Avvalroq futbolchi «Napoli» bilan shartnomani uzaytirish bo‘yicha kelisha olmayotgani xabar qilingandi.