Matbuot anchadan buyon Erling Hollandni «Barselona» bilan bog‘lab kelmoqda, «Manchester Siti»ning moliyaviy qoidalarni buzganlikda aybi aniqlangach, norvegiyalik to‘purar haqida mish-mishlarning yangi to‘lqini vujudga keldi. Agar «shaharliklar» apellyatsiyasi qondirilmasa hamda klubga nisbatan jiddiy jazo belgilansa, Holand Premer-liganing boshqa yulduzlari kabi klubni o‘zgartirish imkoniyatini ko‘rib chiqishi mumkin.
El Nacional nashri ma’lum qilishicha, ispaniyalik vinger Lamin Yamal Kataloniya klubiga Erling Holand va Xulian Alvaresning transferini qo‘llab-quvvatlamaslamayapti. Bu variantlar o‘rniga Yamal «Barselona» yozgi mavsumoldi tayyorgarligida o‘zini yaxshi ko‘rsatgan yosh Hamza Abdulkarimga ishonch bildirishini istaydi.
Eslatib o‘tamiz, yozda «Barselona» Madridning «Atletiko» jamoasidan Xulian Alvaresni sotib olishga harakat qilgandi, biroq «matraschilar» hujumchisini asosiy raqiblaridan biriga sotishdan bosh tortdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi