UYEFA bir necha kun avval Madridning «Real» klubidan «Barselona»ning hakamlar texnik qo‘mitasining sobiq vitse-prezidentiga to‘lovlar bilan bog‘liq «Negreyra ishi»ga oid hujjatlarni qabul qilib olganini tasdiqlagan edi.
OK Diario xabariga ko‘ra, «Real» UYEFAdan bu masala bo‘yicha imkon qadar tezroq qaror chiqarishni so‘ragan. Biroq, UYEFA bunga javoban Madrid klubini xotirjamlikni saqlash va sabr-toqatli bo‘lishga chaqirdi. Tekshiruv qancha kerak bo‘lsa, shuncha vaqt davom etadi.
Avvalroq matbuotda «qaymoqranglilar» UYEFAga 50 000 sahifaga yaqin ma’lumot taqdim qilgani haqida xabarlar tarqalgan edi.
Eslatib o‘tamiz, La Liga yangi mavsumi startida 7 ta o‘yinda 21 ochko jamg‘argan «Barselona» yakkapeshqadam bo‘lib turibdi. «Real» esa 15 ochko bilan jadvalning to‘rtinchi pog‘onasini band etgan.
