UYEFA matbuot xizmati 2028-yilgi Chempionlar ligasi finali Myunxendagi «Alyans Arena»da, bir yildan so‘ng esa turnirning hal qiluvchi o‘yini Barselonadagi yangilangan «Kamp Nou» stadionida o‘tkazilishini e’lon qildi.
«Ikkita mashhur stadion! Myunxen futbol arenasi va Barselonadagi «Kamp Nou» Chempionlar ligasi finalini mos ravishda 2028 va 2029 yillarda qabul qiladi,» - deyiladi UYEFA matbuot xizmati X ijtimoiy tarmog‘ida e’lon qilgan xabarda.
Eslatib o‘tamiz, Chempionlar ligasining bu yilgi final o‘yini Madriddagi «Metropolitano» stadionida bo‘lib o‘tadi. Turnirning amaldagi g‘olibi Fransiyaning «PSJ» jamoasi hisoblanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi