Argentina milliy jamoasi bosh murabbiyi Lionel Skaloni yarimhimoyachi Leandro Paredesning uzoq muddatli diskvalifikatsiyasi haqida va uning jamoadagi o‘rni haqida gapirib o‘tdi.
«Men Leandro bilan suhbatlashganim yo‘q, ammo u milliy jamoa tarixidan o‘rin egallab ulgurgan futbolchilar sirasiga kiradi. Biz uni qadrlaymiz, bu juda buyuk futbolchi. Eshiklar u uchun doimo ochiq», - deya bosh murabbiy Skalonining so‘zlaridan iqtibos keltiradi Tyc Sports.
Eslatib o‘tamiz, Paredes AQSH, Kanada va Meksika mezbonligida o‘tgan jahon chempionati-2026 finalida Ispaniyaga qarshi bahsdagi harakatlari tufayli o‘nta o‘yinga diskvalifikatsiya qilingan edi. Hal qiluvchi bahsda Lionel Messi boshchiligidagi argentinaliklar Ispaniyaga qo‘shimcha bo‘limlarda imkoniyatni boy berib qo‘yishdi (0:1). G‘alaba goliga Ferran Torres mualliflik qilgan edi.
