Shveytsariya Superligasi. Karimov zaxiradan maydonga tushgan bahsda «Lugano» qiyinchilik bilan g‘alaba qozondi

Shveytsariya Superligasining 5-turidan o‘rin olgan «Sion» va «Lugano» jamoalari o‘rtasidagi bahs yakuniga yetdi.

Unda mehmonlar 2:1 hisobidagi g‘alabani qo‘lga kiritdi. «Lugano» safida o‘zbekistonlik himoyachi Behruz Karimov 75-daqiqada zaxiradan maydonga tushirildi. Shuningdek, futbolchi 90+1-daqiqada vaqtni cho‘zgani uchun sariq kartochka bilan jazolandi.

Ushbu g‘alabadan so‘ng uning jamoasi 4 ta o‘yindan so‘ng yuz foizlik natija qayd etgan holda chempionatda peshqadamlik qilmoqda. «Lugano» navbatdagi o‘yinini 3 sentyabr kuni «Servet» klubiga qarshi o‘tkazadi.

Avvalroq «Lugano»ning Konferensiyalar Ligasi guruh bosqichiga yo‘llanma olgani ma’lum qilingandi.