«PSJ» sobiq futbolchisi Jerom Roten Xvicha Kvaratsxeliyani «Oltin to‘p» uchun asosiy da’vogar deb hisoblashini bildirdi. Bu haqda u RMC telekanalidagi Rothen s’enflamme dasturida gapirdi.
«Kvarada daholik bor va u jamoasiga g‘alabalar keltirmoqda. Bundan tashqari, u muhim bahslarda g‘alaba qozonishga yordam beradi, gol va golli uzatmalar borasidagi statistikasi esa aql bovar qilmas darajada», — dedi Roten.
Rotenning fikricha, futbolchining iqtidorini ham hisobga olish kerak. U Kvaratsxeliya va Fabian Ruisni bir darajada baholashga qarshi ekanini ta’kidladi.
Ma’lumot uchun, Kvaratsxeliya o‘tgan mavsum Chempionlar ligasida 16 ta bahsda 10 ta gol va 6 ta golli uzatma qayd etdi. Liga 1 doirasidagi 28 ta bahsda esa 12 ta samarali harakat amalga oshirdi.
