Bugun
27
O'zbek

Ronaldinyo 11 yildan so‘ng katta futbolga qaytdi va assist muallifi bo‘ldi

Futbol
16 noyabr, 00:05
    19
Braziliyalik afsona birinchi bo‘limni to‘liq o‘tkazdi.
Ronaldinyo 11 yildan so‘ng katta futbolga qaytdi va assist muallifi bo‘ldi
Foto: Getty Images

Braziliya futbolining afsonasi Ronaldinyo 4068 kunlik tanaffusdan so‘ng yana rasmiy uchrashuvda maydonga tushdi. U faoliyatini yakunlaganidan 11 yil o‘tib, Italiyaning «Ravenna» klubi safida debyut qildi.

Avvaliga ko‘pchilik Ronaldinyoning futbolga qaytishi haqidagi xabarlarni hazil yoki reklama harakati deb o‘ylagan edi. Biroq braziliyalik yulduz «Ravenna» va «Forli» o‘rtasidagi derbida asosiy tarkibdan joy oldi.

Dastlab Ronaldinyoning maydonda taxminan 30 daqiqa harakat qilishi rejalashtirilgandi. Lekin u birinchi bo‘limni to‘liq o‘tkazdi va jamoasining g‘alabasiga munosib hissa qo‘shdi.

Xususan, uchrashuvning 36-daqiqasida uning uzatmasidan so‘ng Julio Donati raqib darvozasini ishg‘ol qildi. Shu tariqa, Ronaldinyo uzoq tanaffusdan keyingi ilk rasmiy o‘yinida golli uzatma muallifiga aylandi.

«Ravenna» ushbu bahsda «Forli»ni 2:0 hisobida mag‘lub etdi. Braziliyalik yulduzning futbolga qaytishi esa g‘alaba bilan boshlandi.

Tegishli jamoalar va ligalar

  • Ravenna Ravenna
  • Forli Forli
  • Italiya C seriyasi Italiya C seriyasi
Yangi munozara

Muxlislar bu yangilikni Telegram’da muhokama qilmoqda

19 izoh
Muhokamaga o‘tish

Izohlar Telegram’da ochiladi

Bugungi yangiliklar