«Tottenhem» hujumchisi Risharlison faoliyatini vatani Braziliyada davom ettirmoqchi.
GeGlobo xabariga ko‘ra, 29 yoshli futbolchi «Tottenhem» bilan amaldagi shartnomasini bekor qilishni talab qilmoqda. Bunga klubning uni ushbu mavsum uchun APL va Chempionlar ligasi ro‘yxatiga kiritmagani sabab bo‘lgan.
Risharlison «Tottenhem» bilan shartnomasini bekor qilib, Braziliyaning «Vasko da Gama» klubiga qo‘shilishni istamoqda.
«Vasko da Gama» avvalroq Risharlison bo‘yicha London klubiga so‘rov yuborgan. Biroq «Tottenhem» hujumchisi uchun 23,2 million yevro talab qilgan.
Risharlisonning «Tottenhem» bilan amaldagi shartnomasi 2027 yil iyunigacha mo‘ljallangan.
