«Yuventus» va «Manchester Yunayted»ning sobiq yarimhimoyachisi Pol Pogba faoliyatini MLSda davom ettirishi mumkin. Fransiyalik futbolchiga «Inter Mayami», «Di Si Yunayted» va «Nyu-York Siti» klublari qiziqish bildirmoqda. Bu haqda jurnalist Ekrem Konur ijtimoiy tarmoqlarda xabar berdi.
Manba ma’lumotiga ko‘ra, 33 yoshli futbolchida AQSH chempionatiga o‘tish uchun bir nechta variant mavjud. Hozircha klublardan birortasi bilan kelishuvga erishilgani haqida ma’lumot yo‘q.
Ma’lumot uchun, Pogba o‘tgan mavsumda Fransiya chempionatida «Monako» safida oltita bahsda maydonga tushgan, biroq samarali harakatlarni amalga oshira olmagan.
Eslatib o‘tamiz, fransiyalik yarimhimoyachi taqiqlangan moddalarni iste’mol qilgani uchun uzoq muddatli diskvalifikatsiyani o‘tab bo‘lgan.
