«Inter Mayami» va «Di-Si Yunayted» o‘rtasidagi MLS uchrashuvi yakunlandi. Bahs Fort-Loderdeylda mayamiliklarning uy stadionida bo‘lib o‘tdi va mezbonlarning 4:0 hisobidagi ishonchli g‘alabasi bilan yakunlandi.
Gollarga urugvaylik forvard Luis Suares va argentinalik hujumchi Lionel Messi mualliflik qilishdi.
Shu tariqa, «Inter Mayami» MLSdagi besh o‘yindan iborat g‘alabasiz seriyani to‘xtatdi.
Avvalroq jamoa to‘rt marta durang o‘ynab, bir marta mag‘lub bo‘lgandi. «Di-Si Yunayted» esa so‘nggi uch o‘yinda ikkinchi mag‘lubiyatini qabul qilib oldi.
Ma’lumot uchun, MLSning navbatdagi turida «Inter Mayami» «Nyu-York Siti» bilan, «Di-Si Yunayted» esa «Nyu-York Red Bullz» jamoasi bilan ro‘baro‘ keladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi