Shveytsariya Superligasining 10-turi doirasida «Lugano» o‘z maydonida «Luzern»ni qabul qildi. Unda mezbonlar 4:0 hisobida g‘alaba qozondi.
Dastlab 12-daqiqada Daniel dos Santos hisobni ochdi. 61-daqiqada mehmonlar futbolchisi Dantash Fernandes avtogol muallifiga aylandi. 78-daqiqada dos Santos dublni rasmiylashtirdi. 87-daqiqada esa Derek Moncada to‘rtinchi golni kiritib, uchrashuvga yakuniy nuqta qo‘ydi.
Ushbu bellashuvda O‘zbekiston milliy jamoasi himoyachisi Behruz Karimov asosiy tarkibda maydonga tushib, 74-daqiqada zaxiraga olindi. Shuningdek, u 4-daqiqada hakam tomonidan ogohlantirildi. 69-daqiqada Behruz raqib darvozasini ishg‘ol qildi. Biroq hakam ofsayd holati sababli uning golini hisobga olmadi.
Mazkur g‘alabadan so‘ng «Lugano» ochkolarini 28 taga yetkazib, turnir jadvalidagi peshqadamligini mustahkamladi. «Luzern» esa 12 ochko bilan sakkizinchi pog‘onada joylashgan.
Shveytsariya Superligasi. 10-tur
Lugano – Luzern – 4:0
Gollar: Daniel dos Santos (12, 78), Ruben Dantash Fernandes (61, avtogol), Derek Moncada (87).
Muxlislar bu yangilikni Telegram’da muhokama qilmoqda
Izohlar Telegram’da ochiladi