Braziliya milliy jamoasining sobiq hujumchisi Neymar faoliyatini qanday davom ettirishi borasida uchta ehtimoliy ssenariy ma'lum bo'ldi. Bu haqda UOL nashri xabar berdi.
Manbaga ko'ra, JCH-2026 boshlanishidan avvalroq Neymarning yaqinlari futbolchi futboldan ruhiy jihatdan charchaganini payqagan. Qayd etilishicha, u 15 yil davomida Braziliya milliy jamoasida o'ynaganiga qaramay, OAV tomonidan yetarlicha e'tirof etilmayotganidan do'stlariga shikoyat qilgan.
Nashrning yozishicha, Braziliyaning Norvegiyaga 1:2 hisobida mag'lub bo'lib, Jahon chempionati 1/8 finalida musobaqani tark etganidan va Neymar milliy jamoadagi faoliyatini yakunlaganini e'lon qilganidan so'ng, uning kelajagi bo'yicha uchta asosiy variant mavjud.
Birinchi variant — «Santos»ga qaytib, amaldagi shartnomasini oxirigacha bajarish. Ikkinchisi — bosim kamroq bo'lgan boshqa klubga o'tish. Uchinchi ehtimol esa professional futbolchilik faoliyatini yakunlash hisoblanadi.
Qayd etilishicha, Neymarning otasi futbolchining faoliyatini yakunlash variantiga ochiqchasiga qarshi chiqqan.
