Madridning «Real» klubi bosh murabbiyi Joze Mourinio jamoa a’zosi Vinisius Juniorning La Liganing to‘rtta o‘yiniga diskvalifikatsiya qilingani haqida gapirdi. Mutaxassis Chempionlar ligasida «Roma»ga qarshi o‘yin kuni qaror e’lon qilingani uchun Ispaniya Qirollik futbol federatsiyasi (RFEF) intizomiy qo‘mitasiga e’tiroz bildirdi.
«Ispaniya hakamlar qo‘mitasidan so‘rangchi, nima uchun ular Vinining diskvalifikatsiyasi haqidagi yangilikni Chempionlar Ligasining muhim o‘yiniga bir necha daqiqa qolganida e’lon qilishdi?
«Real» — Ispaniya klubi, shunday ekan nima uchun ular buni aynan hozir e’lon qilmoqda?» — deya Mourinio so‘zlaridan iqtibos keltirdi insayder Fabritsio Romano.
Ma’lumot uchun, Vinisius «Sevilya» (18 oktyabr), «Barselona» (25 oktyabr), «Rasing» (1 noyabr) va «Valensiya»ga qarshi (7 noyabr) o‘yinlarni o‘tkazib yuboradi. Undan so‘ng esa milliy jamoalar o‘yinlariga tanaffus bo‘ladi. Shunday ekan, braziliyalik «Real» safida 22 noyabr sanasidagi «Selta»ga qarshi bellashuvdagina maydonga tusha oladi.
