«Barselona» himoyachisi Alehandro Balde faoliyatini Fransiya chempionatida davom ettirishi mumkin. Bu haqda Marca nashri xabar bermoqda.
Manbaga ko‘ra, «Monako» klubi ispaniyalik 23 yoshli futbolchiga jiddiy qiziqish bildirmoqda. Agar Balde Fransiya klubiga o‘tadigan bo‘lsa, u «Barselona»dagi sobiq jamoadoshi Ansu Fati bilan yana birga to‘p tepishi mumkin.
Biroq himoyachining atrofidagi shaxslar uning Angliya Premyer-ligasiga o‘tishini ustuvor variant sifatida ko‘rmoqda.
Shuningdek, «Yuventus» va «Roma» ham himoyachiga qiziqish bildirmoqda. Biroq har ikki klub futbolchini faqat ijara asosida qo‘lga kiritish variantini ko‘rib chiqmoqda. Uning maoshi ham bu jamoalar uchun muammo bo‘lishi mumkin.
O‘z navbatida, kataloniyaliklar ham futbolchi bo‘yicha takliflarni ko‘rib chiqishga tayyor.
