«Барселона» ҳимоячиси Алехандро Бальде фаолиятини Франция чемпионатида давом эттириши мумкин. Бу ҳақда Marca нашри хабар бермоқда.
Манбага кўра, «Монако» клуби испаниялик 23 ёшли футболчига жиддий қизиқиш билдирмоқда. Агар Балде Франция клубига ўтадиган бўлса, у «Барселона»даги собиқ жамоадоши Ансу Фати билан яна бирга тўп тепиши мумкин.
Бироқ ҳимоячининг атрофидаги шахслар унинг Англия Премер-лигасига ўтишини устувор вариант сифатида кўрмоқда.
Шунингдек, «Ювентус» ва «Рома» ҳам ҳимоячига қизиқиш билдирмоқда. Бироқ ҳар икки клуб футболчини фақат ижара асосида қўлга киритиш вариантини кўриб чиқмоқда. Унинг маоши ҳам бу жамоалар учун муаммо бўлиши мумкин.
Ўз навбатида каталонияликлар ҳам футболчи бўйича таклифларни кўриб чиқишга тайёр.
