«Milan» yarimhimoyachisi Luka Modrich o‘tgan mavsumda jamoaning Chempionlar ligasi yo‘llanmasini qo‘ldan chiqarishiga nima sabab bo‘lganini tushuntirdi. Uning fikricha, jamoa chempionlik uchun kurashish imkoniyati kamayganini anglagach, futbolchilar xotirjamlikka berilib ketgan.
«O‘tgan mavsum men uchun yaxshi o‘tdi, ammo uni istagandek yakunlay olmadik. Asosiy maqsadimiz Chempionlar ligasiga chiqish edi, afsuski, buning uddasidan chiqa olmadik. Mavsum so‘ngidagi muhim o‘yinlarda jarohat tufayli jamoaga yordam bera olmaganim meni qattiq ranjitdi. Shu sabab qolishga qaror qildim va bu mavsum ancha yaxshi natijalarga erishishni xohlayman», — dedi Modrich.
La Gazzetta dello Sport nashrining yozishicha, 39 yoshli futbolchi faoliyatini davom ettirish qaroriga o‘tgan mavsumdagi muvaffaqiyatsizliklar emas, balki klub va muxlislarning ishonchi ta'sir qilganini ta'kidlagan. Uning aytishicha, «Milan» rahbariyati uni jamoada qolishini istagan va bu qaror qabul qilishda hal qiluvchi omil bo‘lgan.
Modrich jamoa o‘tgan mavsumda o‘z xatolaridan xulosa chiqarishi shartligini ham qayd etdi. Uning so‘zlariga ko‘ra, «Latsio»ga qarshi mag‘lubiyatgacha «Milan» Skudetto uchun kurash olib borgan. Biroq chempionlik imkoniyati pasaygach, futbolchilar Chempionlar ligasi yo‘llanmasi kafolatlangan, degan xato tasavvurga borgan.
«Ehtimol, aynan shu paytda biroz bo‘shashdik. Chempionlik qiyinligini tushungach, Chempionlar ligasiga chiqish baribir ta'minlangan, deb o‘yladik. Eng katta xatomiz ham shu bo‘ldi. Endi bu saboqdan to‘g‘ri xulosa chiqarib, yangi mavsumni muvaffaqiyatli yakunlashimiz kerak», — deya qo‘shimcha qildi xorvat yarimhimoyachisi.
Eslatib o‘tamiz, «Milan» o‘tgan mavsum “A” Seriyani beshinchi o‘rinda yakunladi va unga Chempionlar ligasi yo‘llanmasi uchun atigi bir ochko yetmay qoldi.
