77 kg vazn toifasidagi UFC chempioni, rossiyalik 34 yoshli Islom Maxachev 2015 yil 3 oktyabr kuni Adriano Martinsga qarshi jangdagi mag'lubiyat uning professional faoliyatiga katta ta'sir ko'rsatganini aytdi.
— Islom, qaysi jangdan keyin o'zingizga «men boshqa jangchiga aylandim» degansiz?
— Mag'lubiyatdan keyin. O'sha paytda yutqazganimdan so'ng uzoq vaqt o'zimga: «Nega bunday bo'ldi?» degan savolni berib yurdim. Bu og'ir davr edi. Qaytishimdan keyin turli gap-so'zlar ham boshlandi. O'zimga ko'p savollar berdim. Natijada jangchi sifatida o'sdim, — dedi Maxachev YouTube'dagi Red Corner MMA kanaliga bergan intervyusida.
Hozirgi vaqtda Maxachev UFC'da ketma-ket 16 ta g'alabali seriyaga ega. Uning hisobida jami 28 ta g'alaba va 1 ta mag'lubiyat bor.
Rossiyalik sportchi so'nggi jangini UFC 322 turnirida o'tkazdi va Nyu-Yorkda bo'lib o'tgan bahsda avstraliyalik Jek Della Maddalena bilan yarim o'rta vazn toifasidagi UFC kamari uchun oktagonga chiqib, hakamlarning yakdil qarori bilan g'alabaga erishdi.
Maxachev faoliyatida burilish yasagan jangni aytdi
MMA
8 iyun, 08:35
34 yoshli chempion UFC'da g'alabali seriyani davom ettirmoqda.
Foto: Getty Images
