Indykaila News xabariga ko‘ra, seshanba kuni «Manchester Yunayted» vakillari Uortonning ehtimoliy transferini muhokama qilish uchun «Kristal Pelas» rahbariyati bilan uchrashgan. Ma’lumotni Londondagi manba tasdiqladi. Qayd etilishicha, 22 yoshli futbolchiga «Liverpul» ham qiziqish bildirmoqda.
O‘tgan mavsumda Adam Uorton barcha musobaqalarni inobatga olganda 53 ta o‘yinda maydonga tushib, 1 ta gol urdi va 7 ta golli uzatmani yetkazib berdi.
Transfermarkt portali Uortonning aktual transfer narxini 70 million yevroga baholamoqda.
