UFCning yarim o‘rta vazn toifasidagi chempioni Islom Mahachev Abu-Dabida Usmon Nurmagomedov va Merab Dvalishvili o‘rtasida yuz bergan janjalga munosabat bildirdi.
«Hozir Usmon va uning do‘stlarini qoralab, haqorat qilayotganlardan so‘rayman: Merab hech qanday sababsiz dog‘istonlik kurashchini urganda, uning sha’niga tekkanida nega jim turdingiz?
U yigit Merabning oldiga yomon niyatda emas, faqat gaplashish uchun borgandi. Bugungi voqeani Merab o‘z yurtida boshlagan. U mehmonni urishga jur’at qildi va uning onasini ham haqorat qildi», — deb yozdi Mahachev.
Eslatib o‘tamiz, 10-iyun kuni Gruziyada RAF turniri oldidan Dvalishvili va Ahmad Hojimagomedov o‘rtasida janjal chiqqandi.
Hojimagomedov Merabdan Umar Nurmagomedov haqidagi salbiy gaplari sababini so‘ragan. Bunga javoban Dvalishvili uni urgani ma’lum qilingandi.
