Qozog‘istonning «Aktobe» klubida to‘p tepgan portugaliyalik futbolchi Luish Nani 39 yoshida professional faoliyatini yakunlaganini e’lon qildi.
Bu haqda KazFootball.kz nashri klub matbuot xizmatiga tayanib xabar bermoqda. Shu tariqa, tajribali futbolchi «Aktobe» safini ham tark etdi.
Nani Qozog‘iston klubidagi uchrashuvlarning 43 foizida asosiy tarkibda maydonga tushgan. Uning umumiy o‘yin vaqti esa mavjud daqiqalarning 47 foizini tashkil etgan.
Portugaliyalik futbolchi Qozog‘iston kubogida ikkita uchrashuv o‘tkazib, ikkita gol ham urgan. Umuman olganda, Nani «Akobe» safida barcha musobaqalar doirasida 26 ta o‘yinda ishtirok etdi. Ushbu bahslarda 3 ta gol urib, 5 ta assistni o‘z hisobiga yozdirib qo‘ydi.
Eslatib o‘tamiz, Nani faoliyati davomida «Manchester Yunayted» va Portugaliya milliy jamoasidagi o‘yinlari bilan tanilgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi