«Lill» prezidenti Olive Letang Fransiya chempionatining 2-turidan o‘rin olgan «PSJ»ga qarshi o‘yindan (2:2) keyingi nomaqbul xulq-atvori uchun jarimaga tortildi.
Bu qaror Professional futbol ligasining intizom komissiyasi tomonidan qabul qilindi. Letang diskvalifikatsiyadan qutulib qoldi. Endilikda u faqat 20 ming yevro miqdorida jarimaga tortildi.
Amaldagi chempionga qarshi durangdan keyin «itlar» rahbari bosh hakam Erik Vattelyega norozilik bildirgan. Hakamning qo‘shimcha bildirishnomasiga ko‘ra, final hushtagidan so‘ng u stadion yo‘laklarida «bu sharmandalik» deb baqirgan va «hamma narsa hamisha bir xil» ekanligini aytgan. Shuningdek, uni qayta jamoasi ishtirokidagi bahslarda ko‘rishni istamasligini oshkora aytgan.
«Lill» prezidenti 2026-yilning yanvar oyida «Renn»ga qarshi o‘yindan (0:2) so‘ng xuddi shu hakamga nisbatan qilgan xatti-harakati uchun ikki oydan ortiq vaqtga diskvalifikatsiya qilingan edi.
