Dortmundning "Borussiya" klubi sobiq yarimhimoyachisi Yulian Brandt ehtimol faoliyatini Angliya Premer-ligasida davom ettirishga yaqin. Bu haqda Sky Sport xabar berdi.
Manba ma'lumotiga ko'ra, "Lids" klubi germaniyalik 29 yoshli futbolchi bilan kelishuvga erishishi kutilmoqda. Tomonlar o'rtasida muzokaralar ancha ijobiy kechmoqda.
Futbolchining o'zi ham faoliyatini Tumanli Albionda davom ettirish variantini ma'qullagan.
Avvalroq futbolchiga "Yuventus" va "Roma" qiziqish bildirgan edi. Biroq hozir vaziyat o'zgargan va Italiya klublarining qiziqishi susaygan.
Brandtning "asalarilar" bilan shartnomasi iyul oyi boshida yakunlangani sababli, u erkin agentga aylangan.
