«PSJ» vingeri Xvicha Kvaratsxeliya 26-oktabrdan 27-oktabrga oʻtar kechasi Londonda boʻlib oʻtadigan «Oltin toʻp» taqdirlash marosimiga bora olmaydi. Bu haqda L’Équipe xabar berdi.
Qayd etilishicha, gruziyalik futbolchining tadbirda qatnashishiga jiddiy jarohati toʻsqinlik qilmoqda. Kvaratsxeliya «Barselona»ga qarshi Chempionlar Ligasi oʻyinida (4:2) oʻng tizzasidagi old xochsimon bogʻlamidan jarohat olgan.
25 yoshli vinger hafta boshida Qatar poytaxti Doha shahrida operatsiya qilinadi. Shu sababli u marosimda ishtirok eta olmaydi.
«PSJ»ning yana bir vingeri Usmon Dembele esa Londonga boradi. Amaldagi «Oltin toʻp» sohibi marosimga taxminan 15 nafar yaqini bilan tashrif buyurishi kutilmoqda.
Parijliklar sardori Markinyos ham Buyuk Britaniyaga yoʻl olmaydi. «Barselona»ga qarshi bahsda son qismidan jarohat olgan himoyachi bugun, 26-oktabr kuni kechqurun «PSJ» — «Lion» uchrashuvini stadiondan tomosha qiladi.
