Myunxenning «Bavariya» klubi taqvimning haddan tashqari zichligidan norozi bo‘lgan jamoalar qatoriga qo‘shildi. The Touchline nashrining X ijtimoiy tarmog‘idagi xabariga ko‘ra, jamoa tig‘iz jadval sabab muhim futbolchilarini yo‘qotmoqda.
Bundesliga 10-turidan o‘rin olgan «Bavariya» — «Kyoln» (1:1) bahsida hujumchi Harri Keyn va hujumkor yarimhimoyachi Maykl Olise jarohat oldi. Bellashuv 20 noyabr kuni bo‘lib o‘tdi.
Myunxen klubi rahbariyatining fikricha, asosiy muammo — klublar miqyosidagi bahslar, milliy jamoalar o‘yinlari va safarlar orasida tiklanish uchun yetarli vaqt yo‘qligida.
Ayni paytda «Bavariya» asosiy tarkibning 7 nafar futbolchisi xizmatidan foydalana olmayapti. Ular: Harri Keyn, Maykl Olise, Luis Dias, Serj Gnabri, Alfonso Devis, Ismoil Saybari va Manuel Noyer.
Muxlislar bu yangilikni Telegram’da muhokama qilmoqda
Izohlar Telegram’da ochiladi