Live
7
O'zbek

Keyn jarrohlik amaliyotini muvaffaqiyatli o‘tkazdi

Futbol
21 noyabr, 07:45
«Bavariya» hujumchisi chap to‘pig‘idagi sindezmoz boylami uzilishi sabab operatsiya qilindi.
Keyn jarrohlik amaliyotini muvaffaqiyatli o‘tkazdi
Foto: Getty Images
20.11.2026 FT Bundesliga Germaniya Bavariya Bavariya 1 : 1 Kyoln Kyoln

«Bavariya» hujumchisi Harri Keyn Bundesliganing 10-turi doirasida «Kyoln»ga qarshi bahsda (1:1) olgan jarohati sabab jarrohlik amaliyotini muvaffaqiyatli o‘tkazdi. Bu haqda Myunxen klubi matbuot xizmati xabar berdi.

33 yoshli angliyalik futbolchida chap to‘piq sindezmoz boylamining uzilishi aniqlangan. Operatsiya 20-noyabrdan 21-noyabrga o‘tar kechasi amalga oshirilgan.

«Harri Keyn muvaffaqiyatli operatsiya qilindi. Endi 33 yoshli futbolchi reabilitatsiya dasturiga kirishadi. Unga tezroq va to‘liq sog‘ayib ketishini tilaymiz!» — deyiladi klub bayonotida.

Eslatib o'tamiz, Keyn «Kyoln»ga qarshi bahsda jarohat olgan. Mazkur bellashuv 20-noyabr kuni bo‘lib o‘tgan va 1:1 hisobida yakunlangan.

Ma’lumot uchun, hujumchi ushbu mavsum «Bavariya» safida samarali o‘yin namoyish etib kelayotgandi. Klub hozircha uning maydonga qaytish muddatini ma’lum qilmagan.

Tegishli jamoalar va ligalar

  • Bavariya Bavariya
  • Kyoln Kyoln
  • Bundesliga Germaniya Bundesliga Germaniya
Bugungi yangiliklar