Irlandiya milliy jamoasi darvozaboni Gevin Bazunu siyosiy sabablarga ko‘ra Millatlar ligasida Isroilga qarshi bahsda o‘ynashdan bosh tortdi. Shu sababli jamoada darvozabonlar soni bilan bog‘liq muammo yuzaga keldi.
UEFA reglamentiga ko‘ra, o‘yin qaydnomasida uch nafar darvozabon bo‘lishi talab etiladi. Ushbu talabni buzmaslik uchun Irlandiya milliy jamoasi himoyachisi Jimmi Dannni darvozabon sifatida qaydnomaga kiritdi.
Bu haqdagi ma’lumot UEFAning Irlandiya milliy jamoasi uchun ajratilgan rasmiy sahifasida ham ko‘rsatilgan. Shunday qilib, Dann hujjatlarda ayni paytda darvozabon sifatida qayd etilgan.
Ma’lumot uchun, Jimmi Dann klub miqyosida Angliya Chempionshipida ishtirok etayotgan «KPR» safida o‘ynamoqda. Jamoa ushbu musobaqa turnir jadvalida 6-o‘rinni egallab turibdi.
