"Barselona" yarimhimoyachisi Gavining o'ng tizzasidagi jarohati jiddiy emasligi ma'lum bo'ldi.
Klub matbuot xizmati xabar berishicha, futbolchi "Elche"ga qarshi kechagi uchrashuvda tizzasiga zarba qabul qilgan.
"Bugun ertalab o'tkazilgan tibbiy tekshiruvlar natijasida Gavining jarohati oddiy ko'karish ekani aniqlandi. Shu bois ispan futbolchisining tez orada jamoaviy mashg'ulotlarga qaytishi kutilmoqda", - deyiladi xabarda.
Ma'lumot uchun, Gavi "Elche"ga qarshi (5:0) bahsning birinchi bo'limi oxirida maydonni jarohat sabab tark etishga majbur bo'lgan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi