"Barselona" yarimhimoyachisi Frenki de Yongning og'ir jarohatiga qaramay uning o'rniga yangi futbolchi sotib olishni rejalashtirmayapti. Bu haqda Diario Sport xabar berdi.
Kataloniyaliklar jarohat tufayli Frenkini uzoq muddatga yo'qotdi. Avvalroq xabar qilinganidek, niderlandiyalik futbolchi taxminan 4 oy maydonga tushmasligi mumkin.
Hatto Mark Kasado jamoani tark etgan taqdirda ham mavsumoldi yig'in davrida bosh murabbiy Hans-Diter Flik Tommi Markes, Giliye Fernandes va Brayan Farinyas kabi futbolchilarga o'z salohiyatini ko'rsatish uchun imkon beradi.
Faqat yozgi transferlar oynasi yakuniga yaqin, agar yosh futbolchilardan hech biri o'zini yaxshi tomondan namoyon qila olmasa, klub yarimhimoya chizig'ini kuchaytirish variantlarini ko'rib chiqishi mumkin.
Muxlislar bu yangilikni Telegram’da muhokama qilmoqda
Izohlar Telegram’da ochiladi