O‘zbekistonlik og‘ir vazn toifasidagi bokschi Bahodir Jalolov Jahon boks tashkiloti (WBO)ning yangilangan reytingida uch pog‘ona yuqoriladi.
32 yoshli sportchi uch pog‘ona yuqorilab, og‘ir vazn toifasidagi da’vogarlar reytingida to‘rtinchi o‘ringa ko‘tarildi.
Jalolovdan yuqorida faqat ukrainalik Aleksandr Usik hamda britaniyalik Tayson Fyuri va Entoni Joshua bor.
Eslatib o‘tamiz, Bahodir 17-oktabr kuni Londondagi boks kechasida britaniyalik Solomon Dakres ustidan g‘alaba qozongandi. Ushbu g‘alaba Jalolovning professional faoliyatidagi 18-g‘alabasi bo‘ldi. Bokschi hozirga qadar mag‘lubiyatga uchramagan.
Muxlislar bu yangilikni Telegram’da muhokama qilmoqda
Izohlar Telegram’da ochiladi