Saudiya Arabistoni chempionati doirasida bo‘lib o‘tishi kerak bo‘lgan «Al Ahli» va «An Nasr» o‘rtasidagi uchrashuv boshqa sanaga ko‘chirildi.
Klubning rasmiy saytida ma’lum qilinishicha, bahs 2027-yilning 6-mart kuni o‘tkaziladi. Uchrashuv nima sababdan qoldirilgani esa ochiqlanmagan.
Eslatib o‘tamiz, dushanba kuni «An Nasr» Elit Osiyo Chempionlar ligasi doirasida «Neftchi» klubini 3:1 hisobida mag‘lub etgan edi. Raketa hujumi xavfi sababli mazkur uchrashuv belgilangan vaqtdan bir soat kech boshlangan.
Ushbu bahsda «An Nasr» yetakchisi Krishtianu Ronaldu ham o‘z nomini tabloga yozdirib qo‘ydi va jamoasining g‘alabasiga hissa qo‘shdi. Bu gol portugaliyalik 41 yoshli futbolchining faoliyatidagi 981-goliga aylandi.
Ayni paytda Riyod klubi Saudiya Arabistoni Proligasi jadvalida uchinchi o‘rinni egallab turibdi.
