«Malorka» yarimhimoyachisi Samu Koshta faoliyatini Saudiya Arabistonida davom ettirishi mumkin. Bu haqda insayder Fabrisio Romano xabar berdi.
Manbaga ko'ra, «An Nasr» klubi portugalialik 24 yoshli futbolchiga jiddiy qiziqmoqda. Klub Koshta uchun asosiy da'vogar hisoblanadi. Uni o'z safiga qo'shib olish bo'yicha muzokaralarda jiddiy ilgarilashga erishgan.
Avvalroq unga «Leyptsig» ham rasmiy taklif bilan chiqqan. Biroq Samu Koshta faoliyatini «An Nasr»da davom ettirish variantini ma'qullagan.
Xabar qilinishicha, Samu klubni tark etgan Marcelo Brozovichning o'rnini bosish uchun asosiy nomzod sifatida tanlangan.
