«Манчестер Юнайтед» форварди Жошуа Зиркзее 364 кунлик танаффусдан кейин илк бор АПЛда гол урди.
Нидерландиялик ҳужумчи АПЛнинг 13-турида «Кристал Пэлас»га қарши ўйинда (2:1) гол муаллифи бўлди. Учрашув Лондондаги «Селҳерст Парк»да ўтди.
54-дақиқада урилган бу гол Зиркзеенинг АПЛ-2025/2026 мавсумидаги биринчи голи бўлди. У «Манчестер Юнайтед» сафида чемпионатдаги охирги голини ўтган мавсум, 2024 йил 1 декабрда «Эвертон» дарвозасига (4:0) киритганди.
Умумий ҳисобда Жошуа АПЛдаги 38 ўйинда 4 та гол ва 2 та ассист қайд этган. Ўтган йил июл ойида «Манчестер Юнайтед» унинг трансфери учун «Болоня»га 42,5 миллион евро тўлаган.
