Франция пойтахти Парижда «Олтин тўп-2025» маросими бўлиб ўтмоқда.
Маросимда йилнинг энг яхши дарвозабони ҳам аниқланди ва Лев Яшин соврини «ПСЖ» собиқ посбони Жанлуижи Доннаруммага насиб этди.
Италия миллий жамоасининг 26 ёшли посбони ўтган мавсумда парижликлар билан Чемпионлар Лигаси, Лига 1, Франция кубоги ва суперкубогида ғолиб бўлди. Сўнг ёзги трансферлар ойнасида «Манчестер Сити»га кўчиб ўтди.
Аёллар ўртасида эса «Челси» клуби ва Англия миллий жамоаси аъзоси Ҳанна Ҳемптон энг яхши дарвозабонга айланди.
Аввалроқ энг яхши ёш футболчи ва энг яхши мураббийлар ҳам аниқланганди.
