Fransiya poytaxti Parijda «Oltin to'p-2025» marosimi bo'lib o'tmoqda.
Marosimda yilning eng yaxshi darvozaboni ham aniqlandi va Lev Yashin sovrini «PSJ» sobiq posboni Janluiji Donnarummaga nasib etdi.
Italiya milliy jamoasining 26 yoshli posboni o'tgan mavsumda parijliklar bilan Chempionlar Ligasi, Liga 1, Fransiya kubogi va superkubogida g'olib bo'ldi. So'ng yozgi transferlar oynasida «Manchester Siti»ga ko'chib o'tdi.
Ayollar o'rtasida esa «Chelsi» klubi va Angliya milliy jamoasi a'zosi Hanna Hempton eng yaxshi darvozabonga aylandi.
Avvalroq eng yaxshi yosh futbolchi va eng yaxshi murabbiylar ham aniqlangandi.
