Россия Премер-лигасининг 2025/26 йилги мавсуми якунланди.
Сўнгги турда «Зенит» сафарда «Ростов»ни 1:0 ҳисобида мағлуб этиб, чемпионликни расман қўлга киритди. Учрашувдаги ягона голга Александр Соболев муаллифлик қилди.
Санкт-Петербургликлар мавсумни 68 очко билан биринчи ўринда якунлади. Амалдаги чемпион «Краснодар» эса 66 очко билан иккинчи бўлди. Кучли учликни Москванинг «Локомотив» клуби якунлаб берди.
Шу тариқа, «Зенит» ўз тарихида 12-бор мамлакат чемпионига айланди. Клуб 11 марта Россия чемпионатида, бир марта эса 1984 йилда СССР чемпионатида олтин медалларни қўлга киритган.
Россия Премер-лигаси якуний жадвалига кўра, «Пари НН» ва «Сочи» қуйи лигага равона бўлди. «Акрон» ҳамда Махачқалъанинг «Динамо» клублари эса элитада қолиш учун плей-офф баҳсларида иштирок этади.
РПЛ. 30-тур натижалари
«Ростов» — «Зенит» 0:1
«Рубин» — «Пари НН» 2:2
«Динамо» Махачқалъа — «Спартак» 0:00
«Криля Советов» — «Акрон» 4:1
ЦСКА — «Локомотив» 3:1
«Сочи» — «Ахмат» 1:1
«Балтика» — «Динамо» Москва 1:2
«Краснодар» — «Оренбург» 3:0
РПЛ якуний жадвали:
1. «Зенит» — 68 очко
2. «Краснодар» — 66
3. «Локомотив» — 53
4. «Спартак» — 52
5. ЦСКА — 51
6. «Балтика» — 46
7. «Динамо» Москва — 45
8. «Рубин» — 43
9. «Ахмат» — 37
10. «Ростов» — 33
11. «Криля Советов» — 32
12. «Оренбург» — 29
13. «Акрон» — 27
14. «Динамо» Махачқалъа — 26
15. «Пари НН» — 23
16. «Сочи» — 22
