Туриннинг «Ювентус» клуби яримҳимоячи Уэстон Маккеннини «Рома» яримҳимоячиси Браян Кристантега алмаштириши мумкин. Бу ҳақда La Gazzette dello Sport нашри хабар бермоқда.
Манбага кўра, АҚШ миллий жамоаси футболчиси 2026 йилнинг ёзигача мўлжалланган шартномасини узайтирмоқчи эмас.
26 ёшли Маккенни 2021 йилдан буён Турин клуби сафида ўйнаб келмоқда. У ўтган мавсум «зебралар» сафида жами 48 та ўйин ўтказиб, 5 та гол урди ва 4 та голли узатмани амалга оширди.
Кристанте эса ўтган мавсум «Рома» сафида 38 та ўйинда майдонга тушиб, 4 та голга муаллифлик қилган. Унинг римликлар билан тузган амалдаги шартномаси 2027 йилнинг ёзида якунига етади.
