«Ювентус» клуби ҳужумчи Кенан Йилдиз билан хайрлашишни режалаштирмаяпти. Бу ҳақда инсайдер Экрем Конур хабар берди.
Қайд этилишича, туркиялик 21 ёшли футболчига Европанинг бир қатор топ-клублари қизиқиш билдираётган бўлса-да, «зебралар» Йилдизни жамоада сақлаб қолишни истамоқда.
Агар клуб Кенан билан хайрлашмоқчи бўлса, унинг трансфери учун камида 120–150 миллион евро талаб қилиши мумкин.
Айни пайтда футболчига «Реал», «Бавария», «Арсенал» ва «Тоттенҳэм» жамоалари жиддий қизиқиш билдирмоқда.
Transfermarkt портали унинг бозор қийматини 75 миллион евро деб баҳоламоқда. Футболчининг «Ювентус» билан амалдаги шартномаси 2030 йилнинг ўрталарига қадар мўлжалланган.
Аввалроқ «Ювентус» «Бенфика» ҳужумчиси Вангелис Павлидиснинг ўйинларини диққат билан кузатиб бораётгани хабар қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади